京香閣 (已結業)

今日老公带我去食顶级京菜自助餐，巨班大虎虾套餐只系$228一位，另加一加茶芥，包一只巨班大虎虾，而且有我至爱既片皮鸭任食，真心抵，因为平时食一只片皮鸭最平都要300蚊左右。侍应先会送上每人一碗虫草花花胶炖汤，好适合以个天气饮，可以补一补，饮落好鲜甜，味道好浓郁，而家仲食到花胶。巨型大虎虾有3种煮法，我点了避风塘大虎虾，好多炸蒜同辣椒，好惹味，虾够大只，虾肉爽口弹牙因为主要食片皮鸭，所以冷盘，小菜，点心只食了小小。个人最喜欢翡翠炒虾仁，干煸四季豆，上海粗炒，味道唔错。点心点了上海春卷、生煎锅贴，炸馒头，全部细细件，可以食多几款。主角出场啦，片皮鸭都系自助式，因为片皮鸭长期都多人排队，所以要衬小人先去拎，侍应好忙碌不停片鸭，片完一只又好快清晒，片皮鸭外皮够脆，有油香，最钟意饼皮够薄，加埋青瓜一齐食，可以减少油腻感。最后食饱当然要食埋甜品先完美，姜茶丸子，姜茶够辣，丸子淋左小小，另外仲食左雷沙汤圆，细细粒，芝麻好香，汤丸烟烟韧韧。