薈軒 (已結業)

呢间酒楼整体食品素质不错，性价比高，特别系佛跳场套餐，真系好味到连汤渣都要食埋，价钱又合理！惟今晚只片皮鸭加个大声夹恶嘅女经理真系令我对呢间酒楼大打折扣，下图显示为一整只片皮鸭，数量少都算喇，片出嚟嘅鸭主要系皮同肥肉，瘦肉好少，由于我老豆好钟意食烤鸭肉，我就问一问酒楼女经理可唔可以片多啲瘦肉。点知该名经理马上面露不悦，话我哋酒楼系咁㗎嘛，跟住就好似方丈咁飞走咗！所以各位朋友要留意喇，该酒楼出嘅片皮鸭，顾名思义系跟皮（同肥），此为该店特式，如唔识欣赏就过主啦！