沙田18

营业中

休息中

好多地方都出名食片皮鸭，但唔系度度都做得出色。今次同屋企人黎左沙田凯悦酒店入面既中菜厅，试下呢度既片皮鸭系咪佢地讲既咁出色。片皮鸭分左三食，片左净皮同肉夹皮既部分，净皮就点砂糖食冇咁漏，脆卜卜既口感加上鸭油香🤤剩番其他肉既部分就炒黑松包生菜食～另外鸭壳会拎去煲汤，加入左豆腐等既配料，汤既有鸭味又有香浓豆味。咸蛋黄鱼皮虾球，呢样同想像既一样，非常惹味，基本上呢个配搭都冇乜得输。礼云子鲍粒煮滑豆腐，礼云子系一种中国南面特别既食材，质感系幼滑既，味道都几鲜，可惜礼云子既份量实在太少。生炒猪油渣菜心，猪油渣系父母个辈年代既野食，特登叫俾两老怀旧一下。主粮叫左个脆米鲍鱼花菇焖饭，用鲍鱼汁焖既饭，唔驶问一定好食🤤甜品叫左五粮液朱古力雪糕同花雕话梅雪芭，两种用中式酒整既甜品都几有特式，只系雪芭略嫌淡口，花雕味唔系太够。