羲和小館 (已結業)

今日同朋友去咗东荟城行街，行完见到呢一间片皮鸭做紧特价，上网见到片皮鸭有好多特色配料。所以就入咗去。驰名烤鸭 必叫佢同传统嘅片皮鸭有啲唔同，除咗有甜酱，青瓜，白葱之外佢仲有爆炸糖，蓝莓酱，山楂饼，自家制芥末。肉质几林，而且咬落去多汁。块皮都好薄，师傅分咗唔同部位放啲片皮鸭。所以有啲咬落去油香好重，一咬啲油标晒出嚟。有啲就系薄薄地嘅鸭皮下面有一大块鸭肉，配合啲特色酱汁，好满足。京式小笼包四个包子里面装满热腾腾嘅汤汁同肉馅，一口咬落去，汤汁爆晒出黎，皮薄馅多，正！冰梅小肉排 特色系一个好特色嘅菜，小肉排外脆内嫩，配上酸酸甜甜嘅冰梅酱汁，味道清新开胃，而且佢上面有少少脆皮黄心番薯，非常特色！樱花虾海皇炒饭炒饭有镬气，樱花虾鲜甜多汁火候啱啱好唔会太干樱花虾唔会太硬，而且啲饭粒粒分明。 红枣雪耳羮女性恩物，我估佢嘅汤底系少少姜汁所以食落去小小辛口，不过红枣中和左所以整体淡淡嘅甜味，几健康！ 整体价钱性价比高，服务都唔错，值得一试。