花朝軒 (已結業)

次次去西贡都系食海鲜，今次就决定试吓新野。呢间花朝轩喺全记后面，最出名嘅就系佢嘅片皮鸭，食过果然系名不虚传。我哋叫咗一只片皮鸭一食。片皮之前，店员拎左全只鸭上黎俾我哋睇，睇落唔算好大，但系都唔细，片出嚟之后份量都几多。配料方面都系同一般嘅片皮鸭一样，有葱、青瓜同埋酱汁。但系佢胜在啲包鸭嘅皮热辣辣，份量又好足，唔会好似其他食肆咁，成日要加钱要多一笼皮。重点系佢嘅鸭超级好食，啲皮非常松脆，啲肉又好嫩滑，食到停唔到口。另外我哋仲嗌咗几款点心。黑松露烧卖嘅卖相超级靓，上面黑松露都好多，入面有虾有肉，非常好食。虾饺好大粒，啲皮唔算太厚，入面有好多虾。炸云吞一共有三粒，炸到热辣辣脆卜卜咁。炸奶黄馒头都好特别，炸得好出色，外面脆得黎，入面又有流心嘅蛋黄，真系好好食。希望下次可以再食到佢嘅片皮鸭同埋试到佢嘅海鲜啦。