玉桃軒酒家 (利舞臺廣場)

营业中

休息中

得闲系附近行开街想试下片皮鸭，上网见呢间comment唔差，又就脚，所以book左试下，点知中伏。本新已经先打去问定驶唔驶预订左先，听电话个姐姐态度已经麻麻，好唔耐烦咁，不过费事烦再谂，所以照订。我地叫左个片皮鸭268+姜葱爆炒鸭件两食78,可能因为已经预订左，所以片皮鸭上得好快，但唔系热辣辣，只可以话仲暖。但鸭肉偏鞋，而且鸭唔知有冇腌到，感觉冇咩底味，要全靠个酱先有味。呢个都算，仲要都几un下，有好几次都咬唔开。食到呢度已经几失望，谂住等埋个炒鸭件睇下会唔会好d, 结果等左半粒钟都未等到，明明场内空位颇多，唔系好多人食野，而且有店员同熟客系度吹水。食片皮鸭塞到饱哂本新谷鬼气想叫经理未有炒鸭件既话索性取消，但阿妈想试埋，唯有叫经理催单，经理态度都麻麻地咁话跟下啦。但比我妈见到佢行去督电脑，疑似岩岩先落单。最后终于等到个炒鸭件，肉仍然都系un, 同埋冇咩味，我妈话去烧味舖买既都仲好食过佢多多声。最后真系无心机再食落去，叫姐姐比个外卖盒同袋拎番去，都系等劲耐先有。总结唔好食又受气，唔会再黎第二次。