富東閣海鮮酒家

营业中

休息中

知道佢重开后，心思思又想食片皮鸭。既然冇晚市堂食，咁咪食中午啰，仲可以食埋下午茶点心，一举两得。片皮鸭（$178），鸭保持水准，皮脆冇肥膏又有肉；饼皮转咗，薄咗细咗（冇得一开二😂，之前又大又厚），而且好卫生，每块饼皮都用蒸纸隔一隔，方便拎，唔使用手上下两块皮搣开，抵赞。二食，七彩炒鸭丝（+$30），大大碟，超抵食。不论鸭肉、蒜芯、韭黄、芽菜、大葱，都超多。有镬气，又够惹味，啱哂钟意浓味嘅我。（最后当然食唔哂，+$2要个外卖盒打包）原笼马拉糕（$21），即蒸的确唔同啲，热辣辣不在话下，最掂系冇倒汗水，整个都好干身。搣开即刻闻到椰香味，咬落松软，好耐冇食过咁高质嘅马拉糕。香煎葱油饼（$17），同样即煎，外面微脆，里面软淋，淡淡香葱咸味，好食。蟹籽烧卖皇（$21），又系即蒸，大大粒，味道正常。PS：下午茶茶芥$8@，另收加一。