城中鴨子

营业中

休息中

城中鸭子最出名就紧系片皮鸭啦，因为系星期六所以特别多人，我地两个人大概要等30张枱，系出面等位果阵可以系玻璃窗出边见到一位员工系到切紧啲超级肥美嘅鸭，真系睇见到流晒口水。首先，我哋嗌左半只片皮鸭，上到嚟先发现原来份量都唔少。佢同一般嘅片皮鸭好唔同，因为佢系一块块好肥嘅鸭皮下面摆咗啲厚切嘅鸭肉，鸭肉好香，再用佢𠮶块好烟韧嘅皮去包住肥美嘅鸭皮同埋鸭肉，仲可以包埋青瓜、葱同埋点佢哋嘅酱汁，真系好好味。另外我哋仲嗌咗土鸡汤小云吞，大概有十粒云吞，个鸡汤底超级香，云吞皮薄馅靓，唔使5分钟就已经全部食晒。金华火腿扒津白嘅芡汁好稠，铺喺上面嘅金华火腿好香口，如果怕食片皮鸭太肥腻，就可以嗌碟菜黎中和一下。最后因为佢本身冇主动提供茶水，所以我哋就嗌咗玫瑰普洱茶。佢根据人数黎放茶包，用茶壶冲好之后，就摆喺蜡烛上面一直加热，所以可以一边饮到热辣辣嘅茶，一边食好嘢。希望下次可以试吓佢其他出名嘅菜式啦。