順酸辣粉

营业中

休息中

印象中食过一次，印象麻麻！今日再去帮衬多次，叫左酸辣米线，萝卜同腩肉另外叫冻饮，总数61蚊！首先奶茶味道系唔错，但加上纸饮筒后！饮落好辛苦，饮筒摆耐左更加难吸！浪费左杯奶茶米线黎到，首先汤底同米线真系几好！但萝卜系硬身！仲要系好大力先咬到！另外最夸张就系腩肉，既厚身又好硬.....仲话秘制腩肉...算啦！强迫自己食一旧，我咬一啖牙都痺...同隔离云贵风同云川真系差好远...最后食完米线算，d所谓既𩠌拎去喂狗....仲要碗野比我揾到旧猪润..小弟十分讨厌内脏...61蚊呢个价钱，呢个食物质素...完全唔掂难怪附近其他米线舖永远都爆场呢间永远都小猫3，4只.....永远都唔会再黎