牛一 (屯門市廣場1期) (已結業)

夜晚同家人一齐去咗牛一食日式火锅放题，𠮶日好多人等，我哋攞咗飞等咗成个钟先入得。我哋拣咗清汤底，牛肉同豚肉系order嘅，我哋拣咗极上美国牛肉，肥膏位对我哋嚟讲适中，就咁放入火锅渌一渌就食得，肉质唔韧，都OK。豚肉就冇分级，都系切得几薄吓，不过都算食到肉味，唔系好似某啲日式火锅放题好似张纸咁。我哋分别order咗几次牛肉同豚肉，质素都冇话相差太远。其他火锅料就系自助嘅，有几款大路嘅绿叶菜、杂菌同肉丸类，仲有盒装同罐装饮品任攞。最后仲斟咗牛奶雪糕嚟食，以日式火锅放题嚟讲都算系咁，系等得比较耐，同埋限时得个几钟，食得比较赶同急。