德發牛丸粉麵

营业中

休息中

出开尖咀识食梗系去海防道入面熟食中心揾食，游客区平时食个午餐六七拾起跳，入嚟呢度丰俭由人，选择都多。去开果间食牛丸明明写住星期日休息，但今日星期六㖞⋯⋯点解⋯⋯？唯有食住对面顶住先。我哋例牌叫净牛丸，牛筋墨丸河。呢度除咗本哋人，当然仲有大量游客光顾，所以经常爆棚，但系就算点爆，起菜嘅速度依然好快。牛丸～不错，基本爽口弹牙牛筋同墨丸河，份量小啲，但墨丸算俾到我惊喜。大牌档此终都有一定嘅水准，亦保留传统风味。加埋二杯冻饮，埋单佰蚊零蚊，呢个时势算系咁。食完行左个圈，顺便睇吓有乜其他好嘢食，𥄫到有间食猪扒饭嘅，块猪扒大到呢⋯⋯预告定，下次再嚟呢度，一定试佢😉