4號烤吧 (已結業)

天气开始转谅， 系食鸡煲嘅好时机， 去咗大和嘅「4号烤吧 」食dinner ! 一打开张order 纸， 竟然有个《牛之丰盛 $198》， 今次唔食鸡煲， 食番个牛煲先， 啱晒我啲牛魔王， 一个煲有七款牛嘅部位， 包括有牛脷、金钱肚、牛肺、牛肠、牛孖筋、牛坑腩&肥牛， 真系十分丰富， 好一煲《牛之丰盛》。 因为朋友唔食得好辣， 可以拣辣嘅程度， 甚至好似我咁拣唔辣，任君选择！ 哗， 牛之丰盛， 真系好大煲， 好香， 汤底充满浓郁牛肉味，太美！ 牛坑腩炆得入味，炆得好腍，口感十足，肥瘦适中、好好食。 牛孖筋囗感烟韧， 入口弹牙，又唔会太软， 正呀！ 乌冬烟烟韧韧， 仲吸收晒汤嘅精华， 十分惹味！叫咗火锅配料， 例如白鳝片， 肉质爽脆，肥美鲜甜。 唔饱唔紧要， 白饭系任食呀！ 追加只《混你个酱之烧乳鸽》， 乳鸽嫩滑多汁， 炸得皮脆肉嫩，值得推介， 好惹味！ 打边炉梗系叫嘢饮啦！《水果茶》味道丰富， 充满果香， 味道酸酸甜甜， 啱晒打边炉啦， 大家不仿一试！ 食完仲有游戏玩！