牛匠石燒 (已結業)

餐厅：牛匠石烧地点：尖沙咀金马伦道菜式：日本烤肉店，主打石烧牛，即系用热石黎烧牛。餐牌：星期日都有午市套餐，有23款，好多选择，丰俭由人。可以跟餐加小食或者饮品。落单用QR code。盐葱牛舌伴牛五花定食 $108 另加一牛舌有四圆片，而牛五花就有三大片。牛舌都好腍，唔会太韧。牛五花就更加好味，又腍又多汁，牛味又浓，唔洗点汁都好味，唔算太肥。严选封门柳伴一口牛定食 $108 另加一一口牛同封门柳各四件同四片。严选封门柳系圆片，都好腍又多汁。一口牛有咬口，牛味都唔错。等服务员先加酒精，然后等两分钟就加牛脂系张牛油纸上面，之后就可以自己动手烧。石烧好处系无油烟，较网烧健康，不过会比较慢少少，适合慢慢烧慢慢食。枱上面仲有一次性围裙比我地。两份定食牛肉都伴有椰菜丝沙律，大菇半只同车厘茄半粒。大菇可以烧到脆皮，好香菇味，正。附上牛脂。定食包杂菜沙律同车厘茄加胡麻酱，面豉汤（入面有豆腐，昆布同葱花），同热白饭一大碗。更附有两款酱汁，我钟意惹味而咸度适中既蒜香芝麻酱。加左两款小食。和风脆豆腐 跟餐加$18 另加一和风脆豆腐一大件切开两边好易食。豆腐炸得脆皮而入面嫩滑，面头洒上木鱼花，白芝麻粒同葱花。