影片
更多
2022-02-27
831 浏览
对于一个人打边炉，最好就系日式边炉，但最好都系平日lunch, 有啲感觉其实时段会阻住佢地做生意。好耐无黎过呢间打边炉，因为呢间成日都好爆，一来唔想等，二来唔想阻人做生意。对于现今疫情破万，个个都唔够胆出街，政府又限制得2人堂食，所以一个人食都唔觉得尴尬，又唔等位。其实以前都食过葵芳呢间同观塘果间，食过两次观塘都觉得一般，但葵芳就好好味。我都唔知点解。我唔追求和牛，我追求系牛味，呢个叫严选牛肉。其实我根本分唔到精选，严选，特选其实有咩分别，我通常都系睇相同睇价钱。职员介绍呢只系最瘦嘅，同时又见应该系最平嘅($179 90mins)，就佢啦。先黎一牛一猪，望落卖相都唔错，我觉得肥瘦适中，同埋呢间系我食开少见嘅，即叫即刨，所以感觉非常新鲜，啲牛仲够冰冻，够挺身。不过只要啲水够滚，渌两渌就食得。其实猪都新鲜，不过个人对猪嘅兴趣其实不大。呢间有好有唔好嘅，系其他任食嘅食物选择不多，蔬菜嘅选择还好，约5款。菇也有5，6款。但其他，如肉丸就少啲选择。不过亦因为少选择，就可以专注食牛喇饮品选择就少左而家好多边炉提供嘅茶饮，不过无糖饮品都有，仲有anson lo 嘅OOHA另一个值回票价嘅系Häage
好耐无黎过呢间打边炉，因为呢间成日都好爆，一来唔想等，二来唔想阻人做生意。
对于现今疫情破万，个个都唔够胆出街，政府又限制得2人堂食，所以一个人食都唔觉得尴尬，又唔等位。
其实以前都食过葵芳呢间同观塘果间，食过两次观塘都觉得一般，但葵芳就好好味。我都唔知点解。
我唔追求和牛，我追求系牛味，呢个叫严选牛肉。其实我根本分唔到精选，严选，特选其实有咩分别，我通常都系睇相同睇价钱。职员介绍呢只系最瘦嘅，同时又见应该系最平嘅($179 90mins)，就佢啦。
先黎一牛一猪，望落卖相都唔错，我觉得肥瘦适中，同埋呢间系我食开少见嘅，即叫即刨，所以感觉非常新鲜，啲牛仲够冰冻，够挺身。不过只要啲水够滚，渌两渌就食得。
其实猪都新鲜，不过个人对猪嘅兴趣其实不大。呢间有好有唔好嘅，系其他任食嘅食物选择不多，蔬菜嘅选择还好，约5款。菇也有5，6款。但其他，如肉丸就少啲选择。不过亦因为少选择，就可以专注食牛喇
饮品选择就少左而家好多边炉提供嘅茶饮，不过无糖饮品都有，仲有anson lo 嘅OOHA
另一个值回票价嘅系Häagen-Dazs 雪糕，有4款选择，我当日有芒果，云呢拿，焦糖脆饼同比利时朱古力
张贴
