魚樂一番 (已結業)

有一排冇食中菜，喺黄埔途经呢间以花胶面为卖点嘅鱼乐一番，决定一试。先上枱嘅系清润解渴嘅自家制菊花茶，只系落咗好少糖，够晒健康。店员唔洗我哋出声已经体贴咁比碗仔我哋share锅面食。我比较钟意浓味嘅嘅花胶牛魔王锅面。虽然话花胶比较贵，但焖得极入味极腍嘅牛腩同埋牛筋先系成碗面嘅精粹。大大块牛腩，加上入口即化嘅牛筋，水准拍得住牛腩面店。汤底因为用花胶熬制而变得有少少浆口，而且饮得出用咗好多牛肉，牛味极浓。花胶嫩鸡锅面汤底味道较清淡。首先闻到嘅系淡淡嘅花雕香，亦落咗红枣一齐煲成。饮落主要系花胶同鱼汤味。鸡肉嫩滑量多，面条为扁身嘅上海白面条，几嗦汁。餐厅嘅面虽然价位较高，但汤底足料，坚持唔落味精，唔能够同一般面店比较。