牛芳百世 (已結業)

今日三点钟要喺附近上堂，所以决定出黎睇下食咩好， 行行下见到门口呢碗牛腩面，再睇埋D文字介绍觉得好吸引就决定入去～我系大概一点几入黎，呢段时间系全日精选，另加饮品就计半价。如果下午茶的话，就会送热饮一杯，抵D～一场黎到，当然叫限量供应喇询问之下，好彩卖剩牛坑腩！yeah！即刻落单叫碗牛坑腩米线+热柠茶～好彩叫得快喳，叫完无耐己经听到员工话卖晒!!!牛坑腩份量挺多，全部腩肉带筋，煮得非常软腍，基本上一入口不用咀嚼己经松软，而且牛味十足 ! 萝卜大大旧，超级鲜甜！反而汤底味道无想像中锦浓郁，清淡而不腻～