影片
更多
2021-03-21
233 浏览
上年食过「牛大人台湾火锅吃到饱」真系令我好难忘😍，⼀直都好想再食，但好难订位加上又疫情第N波。朋友话午市好似易啲食到，于是星期日我哋的起心肝早啲起身，去尖沙咀店等佢开门！果然有唔少人同我哋嘅谂法一样，门口企咗唔少人，但墟冚程度就无晚市咁夸张，等店员安排入座好快就搞掂。值得一赞系店员好好人，主动提我哋用App做会员填问卷，就可获得优惠券👍。90分钟午餐吃到饱有分三级套餐，分别系$138嘅精选嫩牛、$168嘅特级安格斯同$198嘅极上和牛，星期六日同假期就每位加$10。嚟得食，我哋就当然拣咗最贵个餐，唔系点吃到饱啊😎？对我哋咁食得嘅人嚟讲，90分钟打边炉🍲系唔太够时间，所以我哋嘅策略系一开始就拎多啲嘢食，减少行出去嘅次数，系咁食、系咁食，反正枱面都够位摆。哈哈，讲笑啫。先讲肉类部份🥩，午餐选择明显比晚市少，就算最贵个餐都系得三款牛肉、两款猪肉同一款鸡肉拣。如果食封门柳等其他部位，就好似要加钱逐份单点。我哋食咗四款肉4️⃣，由左至右分别系上腹牛五花、安格斯特选牛板腱、澳洲和牛M5牛肩卷以及西班牙猪五花片。老实讲就系肉嘅质素同套餐价钱成正比，所以从食物选择同味道方面出发，我比较建议拣至少$168个
上年食过「牛大人台湾火锅吃到饱」真系令我好难忘😍，⼀直都好想再食，但好难订位加上又疫情第N波。朋友话午市好似易啲食到，于是星期日我哋的起心肝早啲起身，去尖沙咀店等佢开门！
果然有唔少人同我哋嘅谂法一样，门口企咗唔少人，但墟冚程度就无晚市咁夸张，等店员安排入座好快就搞掂。值得一赞系店员好好人，主动提我哋用App做会员填问卷，就可获得优惠券👍。
90分钟午餐吃到饱有分三级套餐，分别系$138嘅精选嫩牛、$168嘅特级安格斯同$198嘅极上和牛，星期六日同假期就每位加$10。嚟得食，我哋就当然拣咗最贵个餐，唔系点吃到饱啊😎？
对我哋咁食得嘅人嚟讲，90分钟打边炉🍲系唔太够时间，所以我哋嘅策略系一开始就拎多啲嘢食，减少行出去嘅次数，系咁食、系咁食，反正枱面都够位摆。哈哈，讲笑啫。
先讲肉类部份🥩，午餐选择明显比晚市少，就算最贵个餐都系得三款牛肉、两款猪肉同一款鸡肉拣。如果食封门柳等其他部位，就好似要加钱逐份单点。我哋食咗四款肉4️⃣，由左至右分别系上腹牛五花、安格斯特选牛板腱、澳洲和牛M5牛肩卷以及西班牙猪五花片。老实讲就系肉嘅质素同套餐价钱成正比，所以从食物选择同味道方面出发，我比较建议拣至少$168个餐。牛五花同猪五花偏向薄身，肉味一般。
澳洲和牛M5牛肩卷
11 浏览
0 赞好
0 留言
安格斯特选牛板腱
10 浏览
0 赞好
0 留言
食完嘅碟可以幢到咁高，可想而知我哋食咗几多🙈。不过个量又唔系真系咁夸嘅，因为一碟都系得两至三片，但胜在可以任叫、上菜快加唔会漏单。另外，我必须讲返其实店员系好勤力收碟㗎，只系我哋唔畀佢收。
牛妈秘制卤牛筋同牛妈秘制卤牛肚，呢两样唔知系咪已经熟咗，就咁食得🤔？佢哋两款令我联想起牛三宝面。
章鱼珍珠浆同真味牛肉浆，牛大人喺呢类「手打滑」方面提供多个选项。前者口感唔算弹牙，但真系食得出章鱼粒🐙。一条浆嘅份量大约分到四粒至六粒，所以每款口味叫哂就未必食得哂。
台式蛋饺同台式虾饺，🍳蛋饺好特别，蛋皮代替传统饺子皮包裹肉馅，而后者就系长条形，有薄薄嘅虾胶层🍤。
瓜仔鸡水饺
6 浏览
0 赞好
0 留言
上述介绍嘅食品都系用电话落单嘅项目，但其实自助区有三大个雪柜放满五花八门嘅丸类同蔬菜等配料。我唔贪心，每样拎一款就好了😚。我最推介就系龙虾沙拉丸、竹炭海鲜包、莴笋同粟米等。留意返，响铃系放喺酱料区𠮶边㗎。
牛大人红烧牛骨锅
4 浏览
0 赞好
0 留言
酱料区有基本酱油、辣椒同葱等配料，另外仲有一款洋葱牛肉酱添，配牛肉食系几唔错！
18+冬瓜茶
$38
4 浏览
0 赞好
0 留言
牛大人除咗牛外，枝装冷泡茶都系招牌之一。四款冷泡茶各有特式，我比较偏爱洛神花茶同白桃乌龙茶🍵。
晚市食每人会送一杯牌子雪糕，而尖沙咀店嘅午市就有提供自家制雪糕杯🍨，虽然得一款口味：豆腐味，但诚意可嘉啊。
总括嚟讲，午餐食牛大人舒服啲，因为冇咁多人，亦免却等位之苦🙈，价钱亦都平过晚市，但食物选择就唔算非常丰富，不过够食有突。题外话，尖沙咀店仲有提供一人一锅定量午餐，细食嘅人可考虑佢。最后，我分享埋餐厅自取区环境嘅相片以供参考🙏🏻。
张贴
