影片
更多
2022-12-15
3256 浏览
⋰牛大人台湾火锅吃到饱；独占鳌头！初尝牛大人晚市？⋰食到第五次牛大人先第一次食晚市。为庆祝闺蜜第一次食牛大人，特意嗌鸳鸯锅大肆庆祝一番。试过旺角、尖沙咀、沙田分店，今次铜锣湾呢间迫到水泄不通，以为自己行紧维园年宵。开咗咁多间分店情况都无改善，then you know打边炉嚟讲牛大人真系无敌。𖦹 澳洲极上和牛120分钟吃到饱套餐 ＄328 鸳鸯汤底 ＋＄50阿嬷养生汤锅清香鲜甜，非常养生；招牌嘅牛大人红烧牛骨锅牛骨味浓郁，带胡椒嘅辣劲，惹味至极！叫得最贵嘅餐当然主力食牛：澳洲M5和牛肩肉、安格斯牛小排、手切封门柳，特别推介SRF美国黑牛后腿肉，油花丰富，肉嫩。第一次食属于稀有部位嘅牛胸爽，口感爽脆。每人获得两粒和牛丸，弹牙多汁，再叫就要课金啦。新试咗鲈鱼片，由台湾直送，鱼味特浓，完全唔腥。呢度嘅鱼滑依然系咁耐以嚟打边炉食过最多种、最好味嘅鱼滑，今次encore返其貌不扬但令人惊叹嘅蟹籽墨鱼浆，以及新嚟嘅黑松露海鲜浆，以松露香更突显海鲜嘅鲜甜。小食一如既往地因为太多嘢食而被果断放弃。嘢饮除咗白桃乌龙等樽装茶，仲多咗落单嗌嘅选择，例如酸梅汁、金桔椰果等。最惊喜系有黑糖珍珠鲜奶，竟然毫不马虎
食到第五次牛大人先第一次食晚市。为庆祝闺蜜第一次食牛大人，特意嗌鸳鸯锅大肆庆祝一番。试过旺角、尖沙咀、沙田分店，今次铜锣湾呢间迫到水泄不通，以为自己行紧维园年宵。开咗咁多间分店情况都无改善，then you know打边炉嚟讲牛大人真系无敌。
𖦹 澳洲极上和牛120分钟吃到饱套餐 ＄328
鸳鸯汤底 ＋＄50
阿嬷养生汤锅清香鲜甜，非常养生；招牌嘅
牛大人红烧牛骨锅牛骨味浓郁，带胡椒嘅辣劲，惹味至极！叫得最贵嘅餐当然主力食牛：澳洲M5和牛肩肉、安格斯牛小排、手切封门柳，特别推介SRF美国黑牛后腿肉，
油花丰富，肉嫩。第一次食属于稀有部位嘅牛胸爽，口感爽脆。每人获得两粒和牛丸，弹牙多汁，再叫就要课金啦。
新试咗鲈鱼片，由台湾直送，鱼味特浓，完全唔腥。呢度嘅鱼滑依然系咁耐以嚟打边炉食过最多种、最好味嘅鱼滑，今次encore返其貌不扬但令人惊叹嘅蟹籽墨鱼浆，以及新嚟嘅黑松露海鲜浆，以松露香更突显海鲜嘅鲜甜。小食一如既往地因为太多嘢食而被果断放弃。
嘢饮除咗白桃乌龙等樽装茶，仲多咗落单嗌嘅选择，例如酸梅汁、金桔椰果等。最惊喜系有黑糖珍珠鲜奶，竟然毫不马虎，珍珠超烟韧呢，最后食埋杯movenpick 雪糕就是个perfect ending。
张贴
