日本雪糕物語 (金馬倫道) (已結業)

因为系佢𠮶度买完朱古力，有几张半价买雪糕嘅coupon。就去试吓佢哋入面cremia 嘅雪糕。原价$45 ，有coupon $22.5好抵咁。叫咗个绿茶味。佢哋嘅雪糕溶得都几快。不过牛奶味真系好浓郁。质感好细滑。配搭抹茶粉好好味。不过抹茶粉只系面头𠮶一浸有。同埋开头食嘅时候好容易比抹茶粉浊亲。搞到不停咳。雪糕杯嘅曲奇皮好松脆。好容易就会碎。但真系好好味。佢哋啲雪糕唔会好孤寒咁净系面头先有。去到雪糕筒底部都系满满嘅雪糕。$22.5真系好抵。最衰冇地方坐低食。搞到要企喺门口食得都好狼狈下。因为佢哋啲雪糕溶得真系好快，雪糕杯又好容易粉碎。绝对值得回购。