二鍋頭 (嘉芙中心)

营业中

休息中

好耐冇食过火锅放题，今次嚟呢间火锅放题店，可以先任食鸡煲𠮶啲，然后再自选汤底打边炉～▪️香浓黑椒猪手煲🐷平时鸡煲就食得多，呢度除咗有鸡煲，仲有猪手煲，同埋火焰牛尾煲。猪手煲上枱后，店员会再炒一炒，好香黑椒味，而且猪手软腍，仲有满满嘅骨胶原感▪️秘制火焰牛尾煲🐮呢款系新提供嘅，店员仲特别提到佢哋系全港首间可以任食火焰牛尾煲，咁梗系要试吓啦💁🏻‍♀️ 一上枱，店员会落啲玫瑰露，然后再点火，制造火焰效果。牛尾食落同样好腍，而且带少少花椒嘅麻，好惹味▪️养生滋补鹧鸪汤🐥食完啲煲，就开始打边炉啦。平时汤底都钟意拣药膳类，所以今次都拣咗比较养生嘅鹧鸪汤。呢度仲系全港首间火锅店有呢个汤底，真系够晒特别。汤底入面除咗有半只鹧鸪，仲有鲜淮山、五指毛桃、虫草花、红枣、杞子等，好足料，饮落好鲜甜，都几适合打边炉而火锅配料除咗猪牛羊鸡，仲有蚬、花枝、鱿鱼、虾、鹅肠、丸类、蔬菜类等。另外饮品同雪糕都几多选择，够晒饱🙆🏻‍♀️二锅头📍尖沙咀漆咸道南53-55号嘉芙中心1楼📍旺角西洋菜南街138号福苑2楼📍沙田横壆街1-15号好运中心3楼3109及3110号舖