Jimmy's Kitchen (已結業)

Item: Jimmy's Kitchen
Rating: 4
Author: Superbaby

113 食记

味道

环境

服务

卫生

抵食

1488

尖沙咀

$401-800

英国菜西餐厅

Superbaby

等级4

136

自从上次Zeffirino人字拖鱼鱼事件后, 巳经好耐无同我果位朋友食饭了. 佢生左日好耐, 但大家迟迟未有机会食番餐. 最后终于定到日子. 朋友任我发办, 我拣左呢庶.好耐无来Jimmy's Kitchen了. 记得第一次来, 系同我初恋男友共渡第一个情人节, 果阵仲系第一次食心形牛扒呢. 本来想试中环果间, 但见佢尖咀呢间新装修完, 又好奇想走来睇下. 搬左位, 装修后变左Bar and Restaurant, 格局有d似Dan Ryan's 果类型ge餐厅, 同以前旧旧地细细地暗暗地有点浪漫气气的模样好唔同, 不过坐落几舒服, 请朋友食饭, arm哂.食左一个前菜, 一个汤, 两个Main Course, 全部份量十足, 水准亦唔错, 尤其个牛尾, 系我食过数一数二好的!!食左: 1) 面饱 - 普普通通, 可以唔理.2) Sparkling Water - 皮肤敏感未完全好番, 而且跟住果晚又一定会饮, 所以都系忍一忍.3) 法式洋葱汤 - 好香甜浓郁, 系嫌面头果层芝士焗得唔够焦脆.4) 蟹肉牛油果Cocktail: 好大份, 沙律菜几fresh同crunchy, 蟹肉几大粒

自从上次Zeffirino人字拖鱼鱼事件后, 巳经好耐无同我果位朋友食饭了. 佢生左日好耐, 但大家迟迟未有机会食番餐. 最后终于定到日子. 朋友任我发办, 我拣左呢庶.

好耐无来Jimmy's Kitchen了. 记得第一次来, 系同我初恋男友共渡第一个情人节, 果阵仲系第一次食心形牛扒呢.

本来想试中环果间, 但见佢尖咀呢间新装修完, 又好奇想走来睇下. 搬左位, 装修后变左Bar and Restaurant, 格局有d似Dan Ryan's 果类型ge餐厅, 同以前旧旧地细细地暗暗地有点浪漫气气的模样好唔同, 不过坐落几舒服, 请朋友食饭, arm哂.

食左一个前菜, 一个汤, 两个Main Course, 全部份量十足, 水准亦唔错, 尤其个牛尾, 系我食过数一数二好的!!

食左:

1) 面饱 - 普普通通, 可以唔理.

2) Sparkling Water - 皮肤敏感未完全好番, 而且跟住果晚又一定会饮, 所以都系忍一忍.

3) 法式洋葱汤 - 好香甜浓郁, 系嫌面头果层芝士焗得唔够焦脆.

4) 蟹肉牛油果Cocktail: 好大份, 沙律菜几fresh同crunchy, 蟹肉几大粒, 份量都唔少, 牛油果就唔多靓, 个seafood dressing 亦咸了小小.

5)

红酒烩牛尾 - 听KC讲佢以前同太平馆一样系新鲜连皮炆的. 呢个虽然无左层皮, 但都极为好食. 份量超巨, 一共有4碌. 除左一碌比较瘦外, 其余碌碌都带甘香的肥脂, 肉质亦炆得非常松化嫩滑, 个汁亦劲正, 红酒份量点到即止, 充满牛尾的鲜肉香, 好味到不得了, 我当左佢做gravy, 用来点薯条捞薯蓉.

跟餐的薯蓉虽然唔算神奇, 但都非常美味, 滑得来仍然保留一份质感, 亦充满牛油香, 饱都要食哂佢.

6)

烧春鸡 - 烧得香喷喷, 热辣辣, 肉质极为鲜嫩, 连鸡胸都嫩. 伴碟的薯条都炸得热辣脆口, 好好食.

大家都食得又饱又惬意, 朋友仲话呢餐系佢食过最开心的生日饭呢!

服务当然一流, 之前果班叔叔都过哂来. 个个仍旧亲切友善. 而且上菜速度又快, 我由8点坐定, 连谂食乜, 点菜, 食埋, 飞的返到屋企都系9:45p.m咋!