影片
更多
2021-10-18
518 浏览
今日去咗德福广场行街，越行越肚饿，见到呢一间屹立多年嘅牛扒餐厅，决定入去试一试佢嘅半自助晚餐。👍🏻半自助餐🤍 龙虾生蚝半自助餐包左一份生蚝拼盘：两只新鲜生蚝、两只海虾、珍珠蚬、青口。餐厅有用冰底镇住保持新鲜度，食落新鲜！主食方面有半边龙虾加三文鱼扒，龙虾落咗好多芝士去焗，虾膏呈橙黄色，口感好似蛋黄一样，龙虾肉爽弹，略嫌唔够大只(´▽｀)三文鱼扒鱼皮煎得香口，油脂满溢，肉质厚实得来好嫩口，配上淡淡既白忌廉汁，同绵滑既薯蓉，食到意犹未尽～呢一个餐仲包一杯红/白酒，真系放工后嘅写意。🤍澳洲150日谷饲肉眼配香煎鸭肝150天的时间突显得牛扒嘅矜贵，牛味比起一般嘅浓郁 ，肉眼油花均匀、口感、肉汁、油香都非常惊艳！熟成度拿捏得非常准确，连中间位置都能够做到软腍既口感。鸭肝煎得香口，油滋滋，口感同鹅肝一模一样，入口即溶。旁边配有解油腻嘅黑醋汁同莓果酱，配搭一绝。配菜嘅薯仔粒、甘笋、杂菇都带有香草嘅味道，也不俗。半自助餐包括左餐汤、沙律、甜品（可以起自助位置拿取）单单系沙律都已经有10款：青苹果、芝士香肠、蜜桃烟鸭胸、杂果、薯仔、杂菌等等，总会有一款啱你！当然唔少得仲有几款酱汁俾你添加。甜品有：朱古力
👍🏻半自助餐
🤍 龙虾生蚝半自助餐
包左一份生蚝拼盘：两只新鲜生蚝、两只海虾、珍珠蚬、青口。餐厅有用冰底镇住保持新鲜度，食落新鲜！
主食方面有半边龙虾加三文鱼扒，龙虾落咗好多芝士去焗，虾膏呈橙黄色，口感好似蛋黄一样，龙虾肉爽弹，略嫌唔够大只(´▽｀)三文鱼扒鱼皮煎得香口，油脂满溢，肉质厚实得来好嫩口，配上淡淡既白忌廉汁，同绵滑既薯蓉，食到意犹未尽～呢一个餐仲包一杯红/白酒，真系放工后嘅写意。
🤍澳洲150日谷饲肉眼配香煎鸭肝
150天的时间突显得牛扒嘅矜贵，牛味比起一般嘅浓郁 ，肉眼油花均匀、口感、肉汁、油香都非常惊艳！熟成度拿捏得非常准确，连中间位置都能够做到软腍既口感。鸭肝煎得香口，油滋滋，口感同鹅肝一模一样，入口即溶。旁边配有解油腻嘅黑醋汁同莓果酱，配搭一绝。配菜嘅薯仔粒、甘笋、杂菇都带有香草嘅味道，也不俗。
半自助餐包括左餐汤、沙律、甜品（可以起自助位置拿取）单单系沙律都已经有10款：青苹果、芝士香肠、蜜桃烟鸭胸、杂果、薯仔、杂菌等等，总会有一款啱你！当然唔少得仲有几款酱汁俾你添加。
甜品有：朱古力挞、杞子桂花糕、木糠布甸、啫喱糖、抹茶瑞士卷、豆腐花、日式菓子等等。特别推荐朱古力挞，朱古力好浓，并且唔会好甜，同时亦都有适当嘅水果作饭后甜品！
👍🏻👍🏻餐厅嘅自助位置唔会好逼夹，分开咗三大段路，人流上分流得唔错！
张贴
