影片
更多
2004-10-12
18 浏览
国庆节睇完烟花后就同女友到尖沙咀一带揾食，原先计划到Main St.试试巨型汉堡，但路过见店内鬼影都无只，遂转移目标到北京道一号既三藩市牛扒屋。邻店火间土等位既人唔少，但牛扒屋则直行直过，畅通无阻。店内面积比想像中既细，不过景系几靓的，相信睇烟花时会几热闹。头盘选了烟三文鱼配鸭胸($68)，鸭胸仅熟跟烟三文鱼味道几夹，不过份量实在太细，唔多够喉。时间配合唔错，两款主菜同时上台，女友点既芝士烟肉汉堡($98)其实系我既主意，事关自己都几钟意呢类口感实在既菜式。汉堡选了五成熟，配有生菜、生洋葱等，味道系想像中既美味，但又略逊于Dan Ryan，问题相信出于牛扒屋既汉堡牛肉系免治既一种，食落缺乏了原块牛肉硬桥硬马既感觉，不过总括来讲都系满意既；伴碟既薯条系原个马铃薯切条而成，属粗条一类，虽则唔系女友喜爱既纽纹薯条，但此品炸得松脆而又呈金黄色，食到女友停唔到口，甚至出现争食情况，认真羞家。侍者将终极主角炭烧西冷牛扒($288)端到跟前，Medium Rare既西冷外表略焦，切开流出少量血水，火候控制得唔错。西冷入口有淡淡既焦味，个人而言并唔介意，虽然西冷充满肉汁，但牛味唔浓郁，有一丝既失望，而
邻店火间土等位既人唔少，但牛扒屋则直行直过，畅通无阻。店内面积比想像中既细，不过景系几靓的，相信睇烟花时会几热闹。
头盘选了烟三文鱼配鸭胸($68)，鸭胸仅熟跟烟三文鱼味道几夹，不过份量实在太细，唔多够喉。
时间配合唔错，两款主菜同时上台，女友点既芝士烟肉汉堡($98)其实系我既主意，事关自己都几钟意呢类口感实在既菜式。
汉堡选了五成熟，配有生菜、生洋葱等，味道系想像中既美味，但又略逊于Dan Ryan，问题相信出于牛扒屋既汉堡牛肉系免治既一种，食落缺乏了原块牛肉硬桥硬马既感觉，不过总括来讲都系满意既；
伴碟既薯条系原个马铃薯切条而成，属粗条一类，虽则唔系女友喜爱既纽纹薯条，但此品炸得松脆而又呈金黄色，食到女友停唔到口，甚至出现争食情况，认真羞家。
侍者将终极主角炭烧西冷牛扒($288)端到跟前，Medium Rare既西冷外表略焦，切开流出少量血水，火候控制得唔错。西冷入口有淡淡既焦味，个人而言并唔介意，虽然西冷充满肉汁，但牛味唔浓郁，有一丝既失望，而且整块西冷偏肥，单计牛扒唔多值此价钱；
由于女友有薯条，所以西冷改配焗薯，焗薯Size比一般既大些许，伴以酸忌廉跟葱粒实在令人食上瘾，不过最大败笔乃刻意吩咐侍者落多点既烟肉粒。一向对焗薯既烟肉粒有偏爱，爱其咸香脆口，但此店烟肉粒无香无味，食左都唔知系咩野，都几离谱；另伴碟既还有炒杂菜，味道同样不俗。
餐\后再Order了朱古力蛋糕伴雪糕($42)，暖暖既蛋糕上放住一球绿茶雪糕，感觉怪怪的。蛋糕偏淡味，并非中间漏浆既一种，比较平庸；有惊喜既系雪糕与蛋糕之间既焦糖香蕉，外脆内软，口感特别，唔错。
餐后望见后面台既西人边饮红酒边叹牛扒，十分疏乎，可惜本人唔识饮红酒，要扮都扮唔黎。埋单$545.6，单就食物质素系唔值此价，但计埋环境等因素，耐不耐一餐都无咩所谓。
餐后又散步到Main St，见内里仍然空无一人，归家又见此店一个食评都无，很是神秘。
张贴