影片
更多
2022-09-15
1442 浏览
好味指数😋😋😋回头指数 ⭐️⭐️开心指数🤗🤗要去上环附近，睇吓有咩外卖好选择，见到呢间台式饭团店，似乎几好味咁，又有我钟意嘅珍珠奶茶，一于试吓先！🍴新宿烧汁牛扒饭团（$38）饭团用纸包住，都几有重量，打开就见到好大旧，好似几多料咁！其实我系叫麻辣牛扒饭团嘅，我咬落去𠮶吓，咦！点解冇麻辣味嘅？咬咗好多啖就觉得唔对路，睇返个贴纸，原来店员落错咗单，俾咗新宿烧汁牛扒饭团我！本身俾错我都唔紧要，最紧要好食，可惜嘅系，食落唔觉有烧汁味，亦都唔系几揾到牛扒响边度，成旧饭团只系食到生菜、肉松、萝卜干、油炸鬼、沙律酱嘅味，牛扒呢？牛扒响边度？饭团用紫糯米做，系几烟韧嘅，饭味都几香，不过，个主菜牛扒只系得几粒碎片，唔似得其他人影到嘅咁多！同埋因为饭团系暖嘅，紫菜会淋晒，我都唔系好知，一个好味嘅台式饭团应该系点样！成个唔见咗主菜嘅饭团，虽然好大旧，但妹仔大过主人婆，食到尾已经有D 腻唔想再食落去。🍴黑糖珍珠奶茶 - 大（$29）茶味唔错，几香几滑，珍珠煮得唔错粒粒分明有咬口，赞！店入面有千秋打卡位，虽然店员系落错单，但服务态度系唔错，感觉亲切，手套纸巾饮管都会入好袋，唔使自己攞嘅。不过因为个饭团好一般，暂时都
回头指数 ⭐️⭐️
开心指数🤗🤗
要去上环附近，睇吓有咩外卖好选择，见到呢间台式饭团店，似乎几好味咁，又有我钟意嘅珍珠奶茶，一于试吓先！
🍴新宿烧汁牛扒饭团（$38）
饭团用纸包住，都几有重量，打开就见到好大旧，好似几多料咁！
其实我系叫麻辣牛扒饭团嘅，我咬落去𠮶吓，咦！点解冇麻辣味嘅？咬咗好多啖就觉得唔对路，睇返个贴纸，原来店员落错咗单，俾咗新宿烧汁牛扒饭团我！
本身俾错我都唔紧要，最紧要好食，可惜嘅系，食落唔觉有烧汁味，亦都唔系几揾到牛扒响边度，成旧饭团只系食到生菜、肉松、萝卜干、油炸鬼、沙律酱嘅味，牛扒呢？牛扒响边度？饭团用紫糯米做，系几烟韧嘅，饭味都几香，不过，个主菜牛扒只系得几粒碎片，唔似得其他人影到嘅咁多！同埋因为饭团系暖嘅，紫菜会淋晒，我都唔系好知，一个好味嘅台式饭团应该系点样！成个唔见咗主菜嘅饭团，虽然好大旧，但妹仔大过主人婆，食到尾已经有D 腻唔想再食落去。
新宿烧汁牛扒饭团
$38
185 浏览
0 赞好
0 留言
🍴黑糖珍珠奶茶 - 大（$29）
茶味唔错，几香几滑，珍珠煮得唔错粒粒分明有咬口，赞！
黑糖珍珠奶茶
$29
82 浏览
0 赞好
0 留言
店入面有千秋打卡位，虽然店员系落错单，但服务态度系唔错，感觉亲切，手套纸巾饮管都会入好袋，唔使自己攞嘅。不过因为个饭团好一般，暂时都唔会回头再食。
张贴
