夏捌月 (已結業)

之前已经有试过系夏捌月食过，水准几好。几年之后又去睇下佢质素点先，一样都系晚餐黎，又系两个人。见到佢啲set dinner 好似几抵咁，一百蚊左右就有齐餐汤同热饮。本身想叫牛魔 ver. 2.0，可惜已经卖哂，首先叫咗个鹅肝茄蓉芝士肉酱烩饭。朋友想试下呢到既扒餐，既然冇set dinner 就直接试下慢烤带骨肉眼牛扒配牛骨髓汁。餐汤好快送上，红汤唔错几正宗，入面足料有唔少牛肉，味道唔会太呛辣。个扒好够份量，大块得黎够厚，当然肉质好紧要啦，佢唔会好似其他扒房会落好多松肉粉，肉味浓而唔柴。平时叫开五成熟，今次个五成熟做得几精准，唔会太rare 或者太熟。值得一赞既系佢个薯菜做得好出色，粗薯角既shape 一咬落去啖啖薯仔。烩饭唔会煮到好似意大利饭个种硬度，比较偏近香港人既口味。茄蓉煮到个饭好入味，茄蓉味酸酸地，平时食烩饭会好易饱，呢个唔会太腻。鹅肝稍微煎香上碟，加哂分。