1523 釗級廚房 (已結業)

中午放饭一条友行元朗顺便揾下好野食，行左好多间1系人多1系无开，行到呢间钊级厨房之前都想试好耐，见无乜人就入去慢慢坐底食，睇完餐牌就叫个红酒汁西冷牛排配薯蓉，加5蚊薯蓉转薯条，饮品计半价。先黎个餐汤系蘑菇汤，菇味都有系个卖相差少少。得左大约15 分钟主菜到，牛排厚身有半吋厚，顺带一提侍应落单时无问我牛排要几成熟，最后黎左well done......，成块牛排有小部份位有7成既，但部份都well done，又多筋，咬都难咬，浪费左块排，食得好辛苦。本身谂住会唔会系d普通薄牛排先无预有5成或7成拣，但一块厚西冷正路系理由会直接well done俾个客，呢方面认真差。