BRICK LANE Deli (已結業)

放工时段，每间餐厅都要等位，唯独哩间唔洗等，一问就入得，坐个位置唔太舒服， 张凳一挨后就成个会跣落去， 而且我哋个位系最近商场， 所以啲人行嚟行去都会望住我哋食嘢， 几乎行人一伸手就可以掂到我哋，所以个位唔系坐得咁舒服。食物方面落咗三样嘢食， 一样系牛扒， 一样系黑松露薯条， 另一样嗌咗个汉堡包。首先讲个牛扒， 牛扒都算系好有牛肉味， 因为之前试过其他餐厅啲牛扒系冇味嘅， 而且多真系五成熟，都几好。另外个黑松露薯条， 薯条非常之白色， 睇落去好似炸得唔熟咁， 因为我见隔离𠮶枱啲薯条系黄金色， 食落个感觉好似啱啱好熟咁， 个黑松露酱系好食嘅， 因为我哋未上薯条嘅时候闻到隔离枱个黑松露酱味好香。最后𠮶个汉堡包， 汉堡包肉扒 比较韧， 唔系好赵得开价钱虽然都算系中常比较贵， 但so far都ok嘅