牛摩+ (新都城中心二期) (已結業)

上星期放工去咗宝琳揾朋友食饭，见落雨凉凉地就打边炉。٩(˃̶͈̀௰˂̶͈́)و极品美国牛小排放题 $349晚市放题90分钟，有六款汤底加三款精选汤底，我就拣咗虫草花浓鸡汤同昆布清汤。 肉类方面有好多选择，呢个餐有极品美国牛小排、SRF美国和牛、极上黑豚肉、羊卷肉等等。推介SRF美国和牛同牛小排，油花好靓，肉质嫩滑，渌一渌好快就食得。海鲜方面就试咗海虾、扇贝、青口、翡翠螺同生蚝，翡翠螺几爽口，扇贝大只新鲜，都唔错。出面嘅自助区有好多丸类同蔬菜，仲有玉子豆腐、荞麦面等等。冷盘就有泡菜同寿司。饮品有好多款，有汽水、咖啡、果汁、沙冰等等，我就整咗蓝莓沙冰。甜品仲有乳酪雪糕同几款蛋糕，食到好饱。