影片
更多
2021-07-25
2172 浏览
星期日唔想煮饭，去牛极食块扒算数。牛柳 $110上次黎系食牛肩扒，今次豪少少升级食牛柳。一如既往，块扒上枱既时候系用抹手纸盖住，防止油弹出黎，用一支牙签拮住固定，都几体贴。块扒上枱既时候外面已经全熟，入面就仲生，自己切细然后系块热石板上加热。要攞即弃围裙，如果唔系块扒d汁弹到成身都系。我即刻就开餐马上切，要同块热石斗快，几熟先食自己话事。牛柳超厚肉，食落啖啖肉而非常嫩口，厚切都唔韧。块扒简单用黑椒喺表面度腌，我觉得够味，点自家制烧肉汁反而有啲过咸。我钟意伴蒜蓉一齐食，冻冻哋嘅蒜蓉可以帮手降温，否则热石烧完即食易辣亲。肉汁就间间分店都一样，有三款比你自己攞，分别系自家制烧肉汁，蒜蓉同辛味芥末烧汁。我钟意呢度既沙律系任食，唔够饱可以食多碗。沙律系简单既生菜同少量车厘茄加玉米粒，生菜大部分都新鲜，有胡麻同柚子沙拉汁自己落，胡麻同柚子沙拉汁都好味。汤都系任饮。汤系日式牛肉汤，其实有d似罗宋汤，不过完全唔辣，好彩俾我揾到好多红白萝卜片，洋葱片同牛肉。米饭都系任食，旁边有d芝麻粒俾你自己落，我就冇食饭，只食沙律都够。
牛柳 $110
上次黎系食牛肩扒，今次豪少少升级食牛柳。
一如既往，块扒上枱既时候系用抹手纸盖住，防止油弹出黎，用一支牙签拮住固定，都几体贴。
块扒上枱既时候外面已经全熟，入面就仲生，自己切细然后系块热石板上加热。要攞即弃围裙，如果唔系块扒d汁弹到成身都系。我即刻就开餐马上切，要同块热石斗快，几熟先食自己话事。
牛柳超厚肉，食落啖啖肉而非常嫩口，厚切都唔韧。
块扒简单用黑椒喺表面度腌，我觉得够味，点自家制烧肉汁反而有啲过咸。我钟意伴蒜蓉一齐食，冻冻哋嘅蒜蓉可以帮手降温，否则热石烧完即食易辣亲。
肉汁就间间分店都一样，有三款比你自己攞，分别系自家制烧肉汁，蒜蓉同辛味芥末烧汁。
我钟意呢度既沙律系任食，唔够饱可以食多碗。沙律系简单既生菜同少量车厘茄加玉米粒，生菜大部分都新鲜，有胡麻同柚子沙拉汁自己落，胡麻同柚子沙拉汁都好味。
汤都系任饮。汤系日式牛肉汤，其实有d似罗宋汤，不过完全唔辣，好彩俾我揾到好多红白萝卜片，洋葱片同牛肉。
米饭都系任食，旁边有d芝麻粒俾你自己落，我就冇食饭，只食沙律都够。
张贴
