牛極 (皇后大道東）

营业中

休息中

除咗铜锣湾，原来湾仔都开左间牛极，系皇后大道东。晚饭时间经过又黎试吓先。同其他分店一样，米饭，汤，沙律，水都系自助任食。肉汁有三款，分别系自家制烧肉汁，蒜蓉同辛味芥末烧汁。水系柠檬水。饭我就冇食，旁边有d芝麻粒俾你自己落。汤系日式牛肉汤，其实有d似罗宋汤，不过完全唔辣，仲俾我揾到少少牛肉片同萝卜片。沙律菜系梛菜，有胡麻同柚子沙拉汁自己落，d菜都好新鲜，落胡麻酱冇得顶。我一人食左四大碗！牛肩扒 180g $80我叫左最平既牛肩扒 180g。上枱既时候块扒外面全熟，入面就未，要自己系块热石板上加热。块扒都几厚，我钟意佢唔肥好瘦但系又唔韧。块热石板好劲，要快手切黎食，如果唔系会太熟，都食得好赶下。块扒上面已经加左少少黑椒粒同三块蒜片，点烧汁食好味，如果唔系会太干。呢个价钱有热辣扒食都抵玩嘅。围裙都系自助自己攞，一定要攞，因为d汁弹到周围都系。呢间分店装修新净，冷气足够，都食得舒服嘅。好彩我早过高峰期到，如果唔系都几多人。