牛極 (皇后大道東）

营业中

休息中

今日想快手食个简单晚餐，又一支公系湾仔皇后大道东附近，就黎呢间牛极食块扒。先叫左一块牛柳，系等牛柳上枱既时候就先去自助食物区攞野食。自助食物区有任食沙律，主要系生菜，少少车厘茄同粟米粒，沙律酱有柚子酱同芝麻酱拣。汤同白饭都系任饮任食，汤转左自家制面豉汤，入面配料有豆腐皮几块，味道无平时既面豉汤咸。白饭任装，旁边有d芝麻粒俾你自己落。肉汁，餐具同水都系自助。肉汁有三款比你自己攞，分别系自家制烧肉汁，蒜蓉同辛味芥末烧汁。当我攞完汤同沙律，牛柳就刚刚好上枱！服务员先用抹手纸盖住块牛柳，防止油弹出黎，再用一支牙签拮住固定，真系一攞开张抹手纸，油就弹出黎，记得自己攞即弃围裙。上枱既时候牛柳外面就熟左，入面就未熟架，可以自己切细再系块热石板上加热到适当生熟程度就可以食。牛柳肉质完全唔肥，厚切都够淋，食落啖啖肉。我加左大量蒜蓉一齐食。牛柳上面仲有好多蛋丝。简单快捷又一餐，而且感觉都好健康。