牛極 (樂聲大廈)

营业中

休息中

牛极居然开到黎港岛区，今日行过铜锣湾怡和街，发现呢度开左间牛极，横竖仲未食lunch，即刻试下先。牛柳 $110叫左牛柳。牛柳上枱既时候外面全熟，入面基本上只有一两成熟，要自己系石板上加热。我另外拎左一d蒜蓉，加热后变自制蒜蓉酱。肉质唔系好肥，但好淋，厚切完再用石板烧10秒就刚刚好，加上烧好既蒜蓉酱，唔洗其他调味料。同其他牛极分店一样，沙律同蕃茄汤任饮。蕃茄汤正常。沙律主要系生菜同番茄，酱有柚子酱同芝麻酱拣。