牛気 (The ONE)

营业中

休息中

星期一晚一家人去左尖沙咀The One牛气食火锅放题，食左最贵果款，极上澳洲和牛个套餐，佢除左套餐包既肉食之外，出面餐枱仲有好多其它选择，有生菜、油麦菜、皇帝菜、菇都有好几款、南瓜、丸类、手打拉面、手打乌冬等等，而且仲有新鲜鸡蛋，呢个我真系觉得超正。一开始佢就每样都上左一份，食完我地先再叫觉得好食果D。极上澳洲和牛食起上黎系好食过严选澳洲和牛，好滑同好有牛味，极上牛小排都滑过严选澳洲和牛，但今次既猪就差过上次好多，d肉完全唔滑，仲几粗下，今次我哋一共叫左四盘极上澳洲和牛，但佢只俾左3盘，第四盘佢就俾左严选澳洲和牛，呢盘仲要系最后order，结果食到非常唔过瘾，口感即刻差晒，早知叫个极上牛小排仲好。佢嘅带子依然都系好好食好大粒，熟左之后虽然缩细左，但都唔系细好多；螺就唔好食，虾好大只，而且都算新鲜，唔霉，不过肉好实；蟹脚估唔到都几好，冇雪味，仲有少少蟹肉既甜味，不过食落太麻烦，只食左一转就算，冇再order lar。