119 大口銀針粉 (已搬遷) 新店位置

我认识0既旺角好食0既食店唔多， 今次竟然揾到间，位置都算方便， 由旺角站行去旺角东就一定经过。大口银针粉味道偏清淡，鱿鱼大大条，仲有好多细鱼仔干系上面加添香气，令我想起以前我老妈成日煮比我食的银针粉。虾胶&墨鱼胶够弹又够滑，虾胶虾味浓郁，墨鱼胶就会食到粒粒烟韧的墨鱼粒。蚝仔粥就最有惊喜，粥水好有海鲜味， 最难得系蚝仔非常滑，我们之前系打冷档食甘多蚝仔粥，从来未试过有咁滑的蚝仔。冬天黎食个热辣辣0既宵夜确系唔错，虽然小食黎计人均$70的消费实在贵， 但用料十足， 又绝对值回票价。 另外， 由于堂食只有户外坐位， 夏天可能会食到出哂汗 估唔到店名叫大口银针粉，但墨鱼胶同蚝仔粥仲出色。