Fûhn (The L. Square) (已結業)

对上一次去越南，我谂都已经有差不多两年嘅时间，当时最印象深刻系同朋友一齐由胡志明搭大巴去岘港，因为一搭就搭左我三十个钟，不过呢啲都系试过一次就好，对我黎讲长途机基本上都唔够我个次耐。呢次我同旅友B落左铜记食越南野，今次黎真系有惊喜，因为餐牌都更新过，见到都唔少新野食，而且店内装修过，环境好舒适，有格调。主食方面，我地分别叫左日本和牛肉和牛丸汤粉，同埋特别牛汤粉。其实呢两碗都系好正，和牛个碗啲牛味好浓，特别系咬牛丸个下，啲牛味出哂黎，越食越有味，虽然得和牛肉同牛丸，但系份量好够呀。而特别牛汤粉嘅特别之处就系牛嘅部位较多，份量亦都好足。小食方面，我地嗌左软壳蟹米纸卷，食呢个嘅时候最紧要系点个酱汁，因为好夹同埋风味提升哂，软壳蟹炸得够酥脆，系唔错嘅。饮品就叫左牛油果奶昔同蝶豆花青柠梳打，两杯都好值得推荐嘅。难得可以过下越南瘾真系唔错，下次心瘾起又可以过黎食下啦。