Verde MAR (已搬遷) 新店位置

好耐以前己经听闻过呢间餐厅，因为佢有好多牛油果既菜式，作为牛油果迷既我一早己经bookmark左呢间餐厅！今次过黎到，果然无失望！因为碟碟都ig-able之余，无谂过牛油果都可以做出咁多款唔同既味道！最吸睛一定系呢个牛油果toast，摆碟好用心，成朵花咁，几岩拎黎打卡！而且超多牛油果，劲饱肚！wrap我地拣左猪肉馅，不过不失，亦系另一个饱肚之选。小食就叫左个nachos，夹埋牛油果食有另一番风味，即刻感觉无咁热气。最特别要介绍既一定系呢杯avocado smoothie，佢好贵，要成$78！叫个阵心都痛埋，我同朋友都系叫一杯黎share算，不过一饮，超级真材实料！好好饮！而且真系好滑，会令人不自觉咁饮。对于牛油果迷黎讲，食完呢餐一定觉得好满足（心灵上），不过………我地３个女仔食完以上食物,都大约只系７成饱，但价钱就要成约$250一个人，银包都有ｄ肉赤。