Avobar (已結業)

食过一次牛油果点豉油之后，就渐渐接受到佢嘅独有味道再爱上。香港唔算好多用牛油果做主题的餐厅，唉猪见到呢间啲相几靓，就叫埋三五知己一齐happy 下～叫咗杯《香蕉可可果仁奶昔$85》，第一啖：好杰。 要好大力先啜到上嚟。牛油果味偏淡，香蕉味先出。招牌《科布沙律$158》 额外添加《24小时自家腌制三文鱼$58》 咩都有，所有原味嘅材料放埋一碟打卡用。味道系原材料嘅味，加咗少少沙律dressing调味。《龙虾牛油果汉堡$218》唔讲都食唔出有浓郁芒果热情果酱。《烤焗卡真蕃薯条配山葵蛋黄酱$48》呢个反而有惊喜，系成餐饭中嘅一点清泉。最后嘅《牛油果布朗尼$54》牛油果味完全畀厚实嘅朱古力味盖咗。舖位喺K11 Musea 最底层food court行到最入，都几隐蔽同难揾。所有嘢不过不失，打卡几靓，但应该一次就够。