鳥語 (已結業)

⋇牛油果粉挥手区⋇•••••••••••••••••••••••••水泥墙、霓虹灯、地台、蒲团、干花摆设、木材台櫈、麻布物品、质感食器，加埋隐藏喺闹市中嘅便利，同埋透过玻璃窗渗透嘅和煦日光，建构成鸟语呢个尖沙嘴区嘅文青打咭好去处。・・・・・・・・・・・・・呢度以牛油果作为主打食材，沙律、多士、饮品，甚至系饭，各个项目底下都可以揾到佢嘅踪影。・・・・・・・・・・・・・全日早餐已经包咗好多人嗌嘅牛油果多士，系少咗只温泉蛋，不过又可以试多几样嘢，更加啱三心两意嘅我。烟三文鱼系早餐入面主要嘅盐份来源，而沙律菜就冇乜落dressing，两样中和返，啱啱好。・・・・・・・・・・・・・炒蛋啲松露酱味够晒显著，但我更加钟意多汁嘅烤肉菇。想食健康啲嘅人，对肠仔真系又爱又恨，少少哋，试两味，多么好。富士苹果做咗个法式caramelised apple，有层脆焦糖喺面，都几特别。・・・・・・・・・・・・・明太子忌廉汁意粉配三文鱼子都算几creamy，个汁其实稍为有啲咸嘅，好在有埋啲新鲜磨菇同洋葱平衡返。三文鱼子我本身唔系几食，明太子配三文鱼子呢个配搭都几少见，可以一试嘅。・・・・・・・・・・・・・用咗bod