八月堂 (已結業)

好耐冇去过屯门市中心，早排去行街先发觉原来八月堂系呢度都开咗一间分店。以而家嘅时势而言，八月堂分店越开越旺，逆市扩充生意真系几犀利。其实之前同朋友喺葵坊新都会分店已经试过其中一款牛角酥，当时都觉得味道不错，而今次经过又觉得有啲肚饿，就决定买过牛角酥嚟做下午茶。据讲有啲分店会有店舖限定口味，但可能太多人帮衬，当日见到嘅款式唔算太多，好多都俾人买走晒，所以就拣咗焦糖布丁款。-焦糖布丁可颂 $23酥脆嘅牛油皮，配上滑捋捋嘅焦糖布甸，呢款甜食牛角酥个人觉得几正。虽然布甸甜度唔算好足，但有淡淡嘅焦糖香气同糖霜作点缀，酥皮令整体层次更丰富。