影片
更多
2020-05-31
1903 浏览
我对东南亚地区食品真系情有独钟㗎，今日一间K11嘅越南野，未讲食前先讲环境，开得喺K11 Musea点都有装修，有布置，所以对食物质素都有一定嘅要求，喂星期五嘅8:00去用餐，排队的时间对我黎讲几耐，排咗大约30分钟，幸好对出可以有啲座位可以同朋友倾吓计时间会过得快啲。终于轮到我哋啦，甫入到去就觉得非常之冻，一般女仔应该都应该觉得冻，所以男士们记住提身边嘅女伴攞返件衫，一坐低佢都比低两张消毒湿纸巾俾我哋抹手，我觉得呢个位可以加分。老老实实佢份Menu d名真系唔可以令人直接可以order到佢嘅嘢食，你要细心睇佢下面系有啲乜材料，睇咗半日终于叫咗三个𩠌：牛爽腩粉，西贡火车快，牛肉卷。先上牛爽腩粉，我已经满头问号点解会主食先上，算啦我都唔想同佢计较。佢嘅配料同个面系分开上，呢个细心为我觉得系唔错嘅，因为每一个人嘅口味都唔同，我先试一啖汤，个汤底做得唔错，河粉嘅软硬适中，唯一可惜嘅系冻得超快，尤其是头先讲过餐厅内嘅冷气超级冻，而且河粉本身非常之吸水，所以好快成碗河粉好快就又冻又干，首先介绍下咩系牛爽腩，牛爽腩系牛肋下两边近肚皮位置，而琴日我食嘅牛爽腩肉质很好，瘦肉多过肥肉，完全唔油腻，但系有
我对东南亚地区食品真系情有独钟㗎，今日一间K11嘅越南野，未讲食前先讲环境，开得喺K11 Musea点都有装修，有布置，所以对食物质素都有一定嘅要求，喂星期五嘅8:00去用餐，排队的时间对我黎讲几耐，排咗大约30分钟，幸好对出可以有啲座位可以同朋友倾吓计时间会过得快啲。终于轮到我哋啦，甫入到去就觉得非常之冻，一般女仔应该都应该觉得冻，所以男士们记住提身边嘅女伴攞返件衫，一坐低佢都比低两张消毒湿纸巾俾我哋抹手，我觉得呢个位可以加分。老老实实佢份Menu d名真系唔可以令人直接可以order到佢嘅嘢食，你要细心睇佢下面系有啲乜材料，睇咗半日终于叫咗三个𩠌：牛爽腩粉，西贡火车快，牛肉卷。
先上牛爽腩粉，我已经满头问号点解会主食先上，算啦我都唔想同佢计较。佢嘅配料同个面系分开上，呢个细心为我觉得系唔错嘅，因为每一个人嘅口味都唔同，我先试一啖汤，个汤底做得唔错，河粉嘅软硬适中，唯一可惜嘅系冻得超快，尤其是头先讲过餐厅内嘅冷气超级冻，而且河粉本身非常之吸水，所以好快成碗河粉好快就又冻又干，首先介绍下咩系牛爽腩，牛爽腩系牛肋下两边近肚皮位置，而琴日我食嘅牛爽腩肉质很好，瘦肉多过肥肉，完全唔油腻，但系有啲冻咗，加上一啲佐料食，系清新同牛之间均等好处。
第二𩠌系西贡火车快，你睇个名完全唔会估到佢食啲乜嘢，原来佢一个类似手撕鸡嘅沙律，依个沙律明确有分左四层，最底层嘅系黑芝麻米饼，上面系现成嘅沙律菜，仲有一层系鸡肉，同埋佐料，对个食鸡麻麻哋嘅女仔来讲，呢一个手撕鸡又的确太干身，后来稍作谂乜谂，咁都用一格嘅米饼，加沙律菜加咗料加鸡，仲有加埋朦粉汁，咁样食有别有一番滋味，起码我做到湿润适中容易吞咽。
最后一个系牛肉卷，呢一个牛肉卷，最特别嘅地方系佢有越南最常用嘅滨海，做咗少少功课咩系滨海：滨海系越式米粉类嘅面饼，属于软身同热食嘅，上面会有葱花同埋炸蒜等等佐料，越南人通常嘅食法就系拎一块滨海摆喺生菜上面，然后再摆上其他𩠌菜，一次过食，其实食法有少少似泰式生菜包。今次食嘅牛肉卷，佢系用咗pepper leave包住嘅牛肉，口感有啲粗糙，然后佢今次系比切碎嘅沙律菜比我地，食上去都几唔方便，特别系要仪态嘅女仔，而且好干身，我不断饮水，唯一嘅亮点系佢有一个类似椰汁沙嗲酱带动成个菜式嘅味道，呢一个酱系有加分嘅。
最后就讲一讲佢哋嘅service，基本上系冇Service可言，除咗上菜Order，d 侍应都唔会主动嚟serve你，但系你又睇佢又唔系特别忙，所以我觉得呢个位我唔能够比分佢。不得不提嘅呢间舖头非常之旺场，都几多外国人黎食。Open Rice check过佢有四间分店：尖沙咀K11 Musea、中环大角咀、上环。
今次食咗每人大约$170，食唔食就自己衡量啦。
餐厅：BÊP Vietnamese Kitchen, TST, K11 Musea
牛肉卷
42 浏览
0 赞好
0 留言
西贡火车快
36 浏览
0 赞好
0 留言
张贴
