影片
更多
2018-12-11
491 浏览
前排潮汕牛肉火锅好鬼Hit，我只系大陆食过一次，但成日都对于依个火锅念念不忘。最重要系因为潮汕牛肉火锅，可以食到唔同牛既部位，而食法好讲究之如～又可以食到牛既鲜味，绝对系牛魔王们～必定要试！今次就拣左来依间好多分店既616牛肉火锅专门店来试。潮汕牛肉火锅既汤底有一个特式，为左肉味唔会比汤底抢走左，所以味道一般既汤底比较清淡，最常见既就系牛骨清汤，但616既汤底就选择多好多而味道都调较得岩岩好，不过淡亦都不过浓。店家有提供7款汤底有：牛骨清汤、牛杂汤底、溶岩沙嗲汤底、酸菜汤底，青花椒辣汤、鲜牛油麻辣汤、花雕醉蚬锅。识食又贪心既我当然拣双拼啦！今次就拣左青花椒辣汤 同埋牛骨清汤～ ($78)牛骨清汤加入左粟米、白萝白同大量既猪骨，味道清甜，绝对要叫一个牛骨汤来带出牛肉既鲜甜！而青花椒辣汤唔似鲜牛油麻辣汤甘辣，反而系辣椒汤底既清泉，味道更为清香同辣味更容易接受，饮落口都绝对无问题～当然唔少得今日既重头戏，我地总共叫左6款既唔同既牛，而每款牛都好好食～好难分高下。但我同男朋友仔对于依6款牛品尝完，为左下次来方便食，提醒自己就列出以下排名：第一名：牛心 ($48)，今次系我第一次牛心，牛心既口感
前排潮汕牛肉火锅好鬼Hit，我只系大陆食过一次，但成日都对于依个火锅念念不忘。最重要系因为潮汕牛肉火锅，可以食到唔同牛既部位，而食法好讲究之如～又可以食到牛既鲜味，绝对系牛魔王们～必定要试！今次就拣左来依间好多分店既616牛肉火锅专门店来试。
潮汕牛肉火锅既汤底有一个特式，为左肉味唔会比汤底抢走左，所以味道一般既汤底比较清淡，最常见既就系牛骨清汤，但616既汤底就选择多好多而味道都调较得岩岩好，不过淡亦都不过浓。店家有提供7款汤底有：牛骨清汤、牛杂汤底、溶岩沙嗲汤底、酸菜汤底，青花椒辣汤、鲜牛油麻辣汤、花雕醉蚬锅。
识食又贪心既我当然拣双拼啦！今次就拣左青花椒辣汤 同埋牛骨清汤～ ($78)牛骨清汤加入左粟米、白萝白同大量既猪骨，味道清甜，绝对要叫一个牛骨汤来带出牛肉既鲜甜！而青花椒辣汤唔似鲜牛油麻辣汤甘辣，反而系辣椒汤底既清泉，味道更为清香同辣味更容易接受，饮落口都绝对无问题～
当然唔少得今日既重头戏，我地总共叫左6款既唔同既牛，而每款牛都好好食～好难分高下。但我同男朋友仔对于依6款牛品尝完，为左下次来方便食，提醒自己就列出以下排名：
第一名：牛心 ($48)，今次系我第一次牛心，牛心既口感界乎肝同埋肾既口感,有点清脆得来有点札实，仲牛味相当浓郁，相当特别！～
第二名：手打牛滑 ($48)，手打牛滑就好似一旧旧既细汉堡牛扒甘，好札实得来 又唔会好干好鞋口，反而口感岩岩好，真系估佢唔到甘好食！～
第三名：滑尾龙 ($48)，依个部位系牛后腿既肉条，肉既组织系比较密，所以本身比较黏韧，所以店家专登加入左鸡蛋，令到口感软滑得来又有口感！仲带点蛋香味～正
第四名：安格斯─横隔肌 ($48)，依个位置比较特别，系肋骨既内侧 同横隔膜相连，肉味系最浓最浓，想食牛味浓既部位，依个一定系首选～
第五名：美国天然─肩胛翼板 ($48)，依个位就界乎于下肩胛眼肉同埋肩胛小排之间，佢既油花系相当多，而口感比较嫩，所以入口即溶！
第六名：澳洲和牛─牛颈脊 ($68)，依个部位就系牛后颈部位，佢既油花都唔少～同埋分布比较平均，如果想食到肉味同入口即溶既感觉就可以拣依个位，一次试晒两种味道！
另外，大力推介大家一定要试，616既酱汁！！！绝对系出面食唔到既味道！而我首推秘制牛肉汁，味道带点寿喜烧既甜味，又有中式豉油既咸香味，沾埋汁既牛肉同埋夹埋葱花，简直一绝！！而自家鲜牛油酱油亦都唔错，佢既咸香味会比较重，所以大家可以因应自己既口味去选择，我个人既首选绝对系秘制牛肉汁！！！
依间616简直好抵食，我地两只野卖单都系$200位，而平均每碟牛都系$48-68既范位，份量适中，价钱又平，可以比你试多几款！好想再去多次！
张贴
