616牛肉火鍋專門店 (翠怡花園)

营业中

休息中

一行4人入到太和打边炉，好在有几架车岩岩走，如果唔系又要等位…可能夜晚9:00关系，唔洗点等就入。全电脑点菜，好易操作，唔会太花巧。鸳鸯沙牛汤底，沙爹汤劲正！好浓郁既沙爹香味，一路食到尾都仲有沙爹味。冰麻牛，好似潭囝个尖椒皮蛋，少少辣，食落唔会麻得太紧要。牛柏叶，整得好细旧好碎，煮完之后更加缩水。牛肉饺子，好少铺用牛肉做饺子，而且入面无芹菜白菜𠮶啲，味道一流。慢煮牛腩，食落似日本叉烧，啲汁浸到牛腩好入味。牛杂，小弟就无食，但朋友话味道唔差，只系肠比较多。匙柄，肉质有少许韧，但牛味几重。吊龙伴煮完好淋，食落有雪白油花既甘香。牛陀峰肉质软，肥瘦均匀，之后都再叫左转。