影片
更多
2017-06-11
417 浏览
阿頭做成大生意，今回吐氣揚眉，升職坐正經理，嘴饞的我又點會唔屈佢請食餐好！阿頭話要食肉；阿姐話要食日本野；阿哥話要盡慶飲番杯；做細的我話餐廳我去搵！今次揀左牛禪，貪佢銅鑼灣區方便阿哥有下場；阿姐去shopping !一、環境店內環境勁舒服，阿頭讚我識揀勁醒目！訂位時，侍應話我知有間大房可book，不過今次人少少，無揀！整體而言， 座位寬敞，空間感充足，大聲說笑也不覺尷尬，又或被偷聽！二、飲品阿哥果個死酒鬼，加左$100瘋狂飲清酒，想影張相，佢都好似嫌我阻住佢，不過見佢手起杯落，應該都唔錯，而且$100任飲90分鐘，咩都抵曬啦！我梗係唔同佢地癲，留肚食好野好過啦！自己揀左杯梅酒梳打，有少少氣，又唔會太甜，用來配牛肉最正！三、前菜未食主菜之前，梗係要搵啲小食俾三位大人送下酒，咬下傾下計做細唔貼心，下次唔洗撈！1.三點前菜 - $30（左下）有魚干，送酒最佳，阿哥讚好不絕；且魚香四溢，咬下咬下，口痕恩物！2.洋蔥墨魚咀 - $88（左上）個人認為有驚喜，尤其洋蔥，超甜！唔食菜的阿頭都夾左幾次！我有運行啦！3.免治雞肉棒 - $48（右下）阿頭話好好食，雞肉棒中間夾著小顆粒的雞軟骨，啖啖肉又啖
今次揀左牛禪，貪佢銅鑼灣區方便阿哥有下場；阿姐去shopping !
一、環境
店內環境勁舒服，阿頭讚我識揀勁醒目！訂位時，侍應話我知有間大房可book，不過今次人少少，無揀！整體而言， 座位寬敞，空間感充足，大聲說笑也不覺尷尬，又或被偷聽！
二、飲品
阿哥果個死酒鬼，加左$100瘋狂飲清酒，想影張相，佢都好似嫌我阻住佢，不過見佢手起杯落，應該都唔錯，而且$100任飲90分鐘，咩都抵曬啦！
我梗係唔同佢地癲，留肚食好野好過啦！自己揀左杯梅酒梳打，有少少氣，又唔會太甜，用來配牛肉最正！
三、前菜未食主菜之前，梗係要搵啲小食俾三位大人送下酒，咬下傾下計做細唔貼心，下次唔洗撈！
1.三點前菜 - $30（左下）
有魚干，送酒最佳，阿哥讚好不絕；且魚香四溢，咬下咬下，口痕恩物！
2.洋蔥墨魚咀 - $88（左上）
個人認為有驚喜，尤其洋蔥，超甜！唔食菜的阿頭都夾左幾次！我有運行啦！
3.免治雞肉棒 - $48（右下）
阿頭話好好食，雞肉棒中間夾著小顆粒的雞軟骨，啖啖肉又啖啖爽，食落無甘油膩！
4.多春白飯魚 - $88（右上）
條條白飯魚都粗壯，阿姐可淺嘗一兩條；阿頭阿哥飲酒又唔會寡，前菜小吃不二之選！
五品刺身拼盤
18 浏览
0 赞好
0 留言
四、刺身
有食唔食，罪大惡極！阿頭叫我發牌，我梗係叫啲我至愛，兼平時唔捨得食嫁啦！今日搵師傅，整了個自訂刺身拼盤！
五品刺身拼盤
- 金目鯛 - $188
- 赤貝 - $48
- 日本響螺 - $298
- 深海池魚 - $168
- 三文魚腩 - $108
老實說，成個刺身拼盤，一字既之曰：「鮮」！
金目鯛
成個刺身拼盤中，我最欣賞的，魚皮輕燒過，豐富了整舊魚的層次，除了鮮甜外，加了點炭火味的層次，再配上wasabi 同醬油，好富足！
赤貝
鮮甜贏曬，非一般急凍貨可媲美！
日本響螺
全盤最值得吃的一款！比象拔蚌更鮮甜爽脆，一食唔停口！
深海池魚
實肉的刺身魚，啖啖新鮮，比一盤的魚腩清新，感覺唔似食緊魚，好正！
三文魚腩
一食一口油，好rich 好香魚味！三文魚都甘好味，究竟我平時食果啲係咩黎？
特上創作壽司
$288
15 浏览
0 赞好
0 留言
五、壽司
又唔洗我錢，梗係咩都叫啲！叫盤壽司塞飽阿哥果麻煩友，免佢聽日噪噪閉話唔飽!
盤壽司每樣一件，四個人share，一人唔會食太多，兩三件過下口癮，又不會太飽！
我一啖食左舊海膽，唔理三個老人家，係到推推讓讓，揀左揀右！哇！勁creamy , 勁rich , 勁鮮甜，滿足到即刻合埋眼！仲俾阿姐笑我誇鬼張，但真心好食呀嘛！
近江和牛盛宴
$1980
45 浏览
0 赞好
0 留言
六、燒肉
終於去到食燒肉，有老細請客，就係豪氣！挑了個最貴的近江和牛盛宴，但性價比真的不差，老細也讚誇啦啦！
餐廳跟了一張次序表俾我地，再加上牛肉上的旗仔標示，教我地由淡味燒到濃味，包保唔會食到錯曬！
侍應主動詢問要唔要幫燒；又或教我們燒！中間又幫我地換燒烤網，服務貼心！
經理見我地盡情吃喝，free了一碗俾我地，等我地可以再試真啲牛肉味！個人認為，配上又真係別有一番味道！
九款牛肉的美味，款款都好正，特別介紹幾種，小妹較喜歡！
和牛牛舌：薄薄一片味道鮮甜，有別一般牛肉的爽脆！
牛腿上肉：油脂豐富，吃下滿滿的牛油吃！
牛肩：吃到牛肩，突然牛味濃了不少，很驚喜，肉質又軟腍，很想多吃一片啊！
肉眼：最後的肉眼，劃上了完美的句號，牛味濃郁，近乎入口即融，愛死了！
和風野菜沙律
$48
40 浏览
0 赞好
0 留言
七、其他
食食下和牛，阿姐話好油膩！我心想：頂，好野都唔識食！身體卻很乖巧，立即整個沙律俾阿姐去去油！沙律超fresh , 搭配和牛食，又有另一番美味！
最後，阿頭話叫多少少野俾佢送酒，阿姐又話要繼續食菜！就叫了炸蝦天婦羅（$128）同日式炒雜菜（$48），都唔錯，尤其炸蝦天婦羅，隻蝦好鮮甜！
八、甜品
食到飽飽，都要甜品作結，以一人一球高質雪糕做句號！
九、總評
阿頭升職美食之旅完結，牛禪真是一個好選擇！希望下次會係我這個小薯豪一次！
张贴
