牛知己 (已結業)

🫕人总系失去咗先会珍惜⋯最近一大放题烤肉连锁集团结业，小编先至特别想食放题边炉⋯于是妹妹带咗我去元朗呢间「牛知己」。我哋拣咗人气之选嘅肉食海鲜放题。🥣汤底总有六款，其中雪浓汤及昆布汤系免费汤底。我地想食清啲所以拣咗昆布汤，意料之外昆布料足味浓。🥩肉食方面有：牛肉，豚肉及鸡肉；海鲜方面：原只白鱿鱼，蟹籽墨鱼滑，纽西兰半壳青口、以及大虎虾。其中澳洲特选牛板腱及美国特产牛肉嘅肉味系最浓，但系当然唔可以同级别嘅肉类相比啦。系呢个价位算系出色。🥬有大量蔬菜及丸类可以自由选择，更设有少量熟食及腌制品，如泡菜，鸡翼，炸薯条。不过讲真小编主要都系食肉，冇乜点样食熟食及蔬菜。不过整体望落都几新鲜。🍦甜品及饮品方面，小编推介雪糕，酸酸甜甜，唔使加任何配料已经好好味。小编妹妹更系夸张地一个人食咗三碗。🍱除咗火锅放题，餐厅而家仲推出午市套餐，其中蕃茄特色乌冬都几吸引。😉整体而言：1. 餐厅位置阔落，坐得舒服。2. 员工效率高，落单快，上菜快，无甩单！3. 小确幸⋯仲有得食⋯小编好满足了牛知己 地址：元朗安宁路38号世宙商场地下26-27号舖电话：61503288营业时间：12:00-15:00；1700-22