鴻發香港仔魚蛋粉

营业中

休息中

上次食完呢个香港仔鱼弹王既牛腩河同牛肚河。今次就试埋好多香港人都钟意食既牛筋幼面，再加一杯冻咖啡，下午茶餐都只系35蚊。价格黎讲都尚算合理。汤面面有少量葱花「吊」味，幼面幼细时又爽口，同时亦吸有汤底既味道，十分滋味。牛筋焖既时间十分足够，所以十分淋身，都因为焖得耐而令腩汁（／柱侯酱）既味道可以入晒牛筋入面， 同时牛筋亦好弹牙，充满骨胶原既口感牛筋亦会帮你剪几刀，避免有太硬既筋位痴牙。牛筋既份量十足，个人认为30蚊一碗是好抵。冻咖啡叫左少冰多奶，冰量仍然比较多。下午茶加冻饮比较划算。多奶令咖啡甜度上升，唔好抢晒面既味道。