厚福館 (南角道)

营业中

休息中

一行六人落九龙城打边炉，叫咗两个鸳鸯锅，一个系沙嗲拼杏汁猪肺，另一个系胡椒猪肚拼蕃茄薯仔猪骨。个人认为沙嗲、胡椒猪肚同杏汁猪肺都好味😋 一开始个个顾住饮汤，到后来再加汤先发现原来后加只会系清汤。所以头𠮶几碗汤系最好味嘅！食物方面，我哋叫左一板海胆刺身，有五匙羹，每匙羹有两大片海胆，好鲜味👍🏼呢度啲牛肉🐮好食，我哋试咗封门柳同牛展！封门柳好淋好滑，牛展就有好香浓嘅牛味，两款都好食。另外鹅肠都好正，好多膏，依家唔系度度有呢啲肥鹅肠食㗎喇，放落汤度渌佢十秒八秒钟就食得，好甘香🤤小朋友就最爱黄金炸鱼皮，超级香口，送啤酒汽水一流👍🏼其他食物就不过不失咁啦，试咗：脆肉鲩鱼片、手打牛丸、黑毛猪片、水饺、黑柏叶、菇同菜拼盘、白饭乌冬同芫荽面 (冇咩芫荽味)再加两揸竹蔗茅根水同三支大青岛)，埋单连加一服务费盛惠$2000。