大利清湯腩 (已搬遷) 新店位置

小公主要喺湾仔考试，唯有泊好车在附近揾食，本来打算去试附近间好出名嘅烧味店，但小公主今日唔想食烧味，唯有揾过第二间啦，过两条街有间大大只字写住清汤腩，而且出面贴哂报纸杂志嘅食评，还掂我都系本著 "好又一餐，唔好又多餐"，死就死啦。入到去，门口细细，但系入到去完来有好多位。小公主叫咗一碗牛腩河，我就叫咗一碗牛腩、金钱肚河。牛腩同金钱肚都煮到好腍，但系牛味唔见咗，汤底okay，但系河粉就唔掂，又粗，小公主𠮶碗有啲粉粗到好似系粉皮咁，唔系一条条，系一块块嘅。碗粉连一旧牛筋都唔比我地，真系............Comments : 行开湾仔都可以一试。又系雷声大，雨点小。冇咩特别，但算比起市面一般同类货式好少少咁啦。