古早牛肉麵 (已結業)

今日同女朋友晚上食饭，天气咁热，走去食面一流啦。于是去咗呢间餐厅，入到去好有怀旧特色。睇一睇餐牌，有主食，小食，同台式特饮，餐厅有散叫同套餐～同女朋友叫左套餐，古早红烧牛肉汤面牛肉好香软，入口即化，够淋，入味！萝卜劲好食，多汁鲜甜，面质非常烟韧，强烈推介。三牛荟有牛腱/牛筋/牛肚，牛筋非常弹牙，牛腱非常之淋，牛肚好爽口～米粉同一般唔同，半透明，比较幼，好索汤汁，口感好好👍🏻！宜兰迷你葱肉馅饼外面好松脆，咬落去劲多汁，热辣辣！肉质非常之鲜嫩！卤水大肠卤水非常之香，大肠非常之弹牙入味，烟靭可口！柠檬芦荟红茶，仙草冬瓜茶茶非常之好饮，柠檬红茶非常之香浓，而且果肉粒粒，冬瓜茶亦都非常之清甜，仙草份量一样多！