十二味貴陽牛肉粉 (已結業)

之前喺铜锣湾已经想试，但太多人排队，所以无食到。难得奥海城开咗分店，特登嚟试下。 不过地点就有啲难揾， 要行出商场外面，先会见到间舖。 喺simplylife个门口出去，右手边行几间舖位，就会见到架啦。来到呢到梗系食牛肉面， 叫左唔辣嘅清炖牛肉面、红烧牛肉面。 其实我本身系食辣嘅， 但见到辣嘅面上面有好多油， 感觉上好油腻所以无叫辣。小食就叫咗麻辣手撕鸡， 麻辣木耳。个人觉得红烧较清炖好食， 清炖牛肉面啲牛肉切得太薄， 冇乜口感。红烧牛肉面肉质淋滑，好有牛肉味。叫唔辣可以试埋啲汤， 唔觉得有味精，味道不错。整体嚟讲系几好食嘅， 但肉量偏小，性价比较低。但都会继续帮衬的。