喜來稀肉 (金巴利道)

营业中

休息中

冬天黎到，想喺尖沙咀揾间有啲特色嘅韩烧餐厅，然后听朋友讲呢度嘅牛肉特别出色，所以就一心黎到试下，结果都真系冇令我失望。喜来烤肉 (牛肉) (180g) $138呢个烤肉有惊喜😋，初头以为只系普通嘅牛肉，会好韧。点知食落去好多肉汁，牛味好香好浓，薄薄一片好容易入口唔会好韧。唔需要烧好耐时间，只需要每边烧大概10秒就已经全熟，啱啱好。海鲜泡菜饼 $90一大块类似薄饼嘅形状，但唔会好似薄身薄饼咁硬同脆，而系冧得黎带有少少烟韧嘅感觉。泡菜令个饼食落间唔时有爽脆嘅口感。喺泡菜饼上面有鱿鱼仔同青葱。唯独海鲜只有鱿鱼仔，可能加上一啲细虾仔会更吸引。